Бөлүмдөр
Шаршемби, 20-ноябрь
Чүй облусу, Кара-Балта 26.10.2019 15:25 На русском

Белгисиз адамдар кара-балталык тургундун жубайына жасаган белегин талкалап кетишти

Turmush -  Кара-Балтада белгисиз адамдар чымчыктардын колго жасалган уяларын талкалап кетишти. Бул тууралуу аймактык кабарчы билдирди.

Бир жума мурун жаш жигиттер шаардын жогорку жана төмөн тарабындагы сейил бактарда чымчык жана тыйын чычкандар үчүн атайын 20 уя орнотушкан. Бирок 1 жумага жетпей шаар тургундары айрым уялардын ийилип калганын көрүшкөн. Учурда аларды кимдер талкалаганы белгисиз.

«Шаар жана жаратылыш үчүн пайда алып келген жаш жигиттер бар экенине сүйүнгөнбүз. Жыгач уяларды талкалаганга кимдин колу барды? Биринчиден — уяларды алар өздөрү жасашкан жок. Экинчиден — бүгүн алар уяларды талкалашса, эртең уядагы жандыктарды өлтүрүшөт. Улуу адамарга өздөрүнүн мисалында балдарына чымчыктардын жана айбанаттардын уясын бузууга болбой турганын көрсөтүш керек экенин айткыбыз келет», - дешет шаар тургундары.

Шаардын жогору тарабындагы сейил бакта жалпы 6 уя талкаланган.

Буга чейин Turmush басылмасы Кара-Балта шаарынын тургуну жубайынын туулган күнүндө шериктери менен сейил бактарга чымчыктарга уя орнотушканын жазган.

Демилгечи топ уяларды колго жасашкан жана сарпталган каражатты өз чөнтөктөрүнөн чыгарышкан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×