Бөлүмдөр
Жума, 6-декабрь
Чүй облусуЖайыл району 11.11.2014 16:48

Мамлекеттик спорт агенттиги спорттук-окуу жылынын жыйынтыгы менен Жайыл районунун бир катар машыктыруучуларын сыйлады

Turmush -  Өкмөттүн алдындагы Дене тарбия жана спорт боюнча мамлекеттик агенттиги спорттук-окуу жылынын жыйынтыгы менен Жайыл районунун машыктыруучуларын сыйлады.

Райондук спорт мектебинин директору Нуржан Сүймөналиевдин маалыматында, өткөн жуманын аягында салтанаттуу иш-чара уюштурулуп, анда райондун спортчуларынын жетишкендиктери жана ар кандай мелдештерге катышуунун жыйынтыгында жеңүүчү болгон спортчулардын жана машыктыруучулардын ийгиликтери даңазаланды.

«Кыргыз Республикасынын спорт ардагери» белгиси Жайыл райондук спорт мектебинин баскетбол боюнча машыктыруучу-мугалими Тамара Могильная жана «Манас» спорт комплексинин сууда сүзүү боюнча улук машыктыруучусу Анатолий Зверевге тапшырылды.

Ардак грамоталар менен спорт мектебинин директору Нурлан Сүймөналиев, эркин күрөш боюнча машыктыруучу-мугалим Руслан Атакеев, «Манас» спорт комплексинин сууда сүзүү боюнча улук машыктыруучусу Михаил Ермолаев жана «Манас» спорт клубунун директору Төлөш Кумаровсыйланды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×