Бөлүмдөр
Шаршемби, 11-декабрь
Чүй облусу, Кара-Балта 05.11.2014 10:31

«Кара-Балта» футбол тайпасы А «Түндүк» зонасында «Кыргызстандын чемпиону-2014» наамына ээ болду

Turmush -  «Кара-Балта» муниципалдык футбол командасы биринчи лиганын командалары арасында А «Түндүк» зонасында Кыргызстандын 2014-жылкы чемпиону наамын жеңип алды. Бул тууралуу Turmush басылмасынын кабарчысы билдирди.

Маалым болгондой, 31-октябрь күнү Кант шаарында мелдештин акыркы туру өтүп, анда Кант шаарынын «Наше пиво» жана Бишкек шаарынын «Алга» командалары беттешкен. Беттеш 2:2 эсеби менен жыйынтыкталган. Анын негизинде кара-балталык команда алтын медалдын жана «Кыргызстандын чемпиону-2014» наамына ээ болду.

«Кара-балталык команда чемпиондукта бир дагы аттандашынан жеңилбестен жеңишке жетти», - деп билдирди «Кара-Балта» футболдук тайпасынын директору Кабылжан Иргешев.

Маалым болгондой,

Белгилей кетсек, чемпиондук «Дордой», «Наше пиво», «Алга» жана башка ата мекендик тайпалар арасында өткөрүлүп, аны КРнын улуттук футбол лигасы уюштурду.

К.Иргешов билдиргендей, «Кара-Балта» муниципалдык футбол командасы чүчү кулактын негизинде Чемпион кубогу үчүн бүгүн, 5-ноябрда Ош шаарында Б «Түштүк» зонасында Өзгөн шаарынын «Кара-Шоро» тайпасы менен беттешет.

Ал эми, кара-балталык тайпа 9-ноябрда өз үйүндө «Манас» спорт комплексинде жооп иретинде матч өткөрмөкчү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×