Бөлүмдөр
Жекшемби, 15-декабрь
Чүй облусу, Каинды 20.11.2019 13:16

Кайыңдыда ички көчөлөргө асфальт төшөлдү

Turmush -  Чүй облусунун Кайыңды шаарында 3 чакырым ички жолго асфальт төшөлүп, 43 көчөгө 540 түнкү чырактар коюлду.

Кайыңды 2012-жылы шаар макамын алган. Учурда көп улуттуу 11,5 миңден ашуун адам жашайт. Шаардын карамагында 63 көчө бар. Өткөн жылдары 13 көчөгө асфальт төшөлгөн. Ал эми үстүбүздөгү жылы 7 көчө асфальтталган.

«Шаарыбыздын инфратүзүмүн жакшыртуу максатында — 2019-жылы 7 ички көчөгө асфальт төшөлдү. Ал 3 чакырым аралыкты түзөт. Тактап айтканда, Луговая, Южный, Гагарин, Шопоков, Москва, Куйбышев жана Юбилейный көчөлөрү. Ага жергиликтүү бюджеттен 9 миллион 300 миң сом бөлүндү. Ал эми калктын жашоо шарттарын жакшыртуу, коопсуздугун камсыздоо аракеттери да жүргүзүлүүдө. Мындай алкакта 43 көчөгө 540 түнкү жол чырактар орнотулду. Ага жергиликтүү бюджеттен 7 миллион 343 миң сом бөлүндү. Учурда айыл ичиндеги жолдорду асфальттоо, жол чырактарын коюу жумуштары улантылууда. Бул багыттагы иштердин 90 пайызы аткарылды десек жаңылышпайбыз. Ушул жылдын аягына чейин планыбыз толук аткарылат», - деди вице-мэр Эрнур Жумабаев.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×