Бөлүмдөр
Жума, 22-ноябрь
Чүй облусуЧүй району 20.09.2019 14:24

Чүй облустук төрөт үйүндө жаңы көз жарган энелер эмне үчүн жерде жатышат?

Turmush -  Социалдык тармактарга Чүй облустук бириктирилген ооруканасынын төрөт бөлүмүндөгү жаңы көз жарган аялдар полго жаткырылып жатат деген маалымат тарап жатат. Анын чын-төгүнүн билүү үчүн аймактык кабарчы аталган оорукананын директору Бакыт Болотбековго кайрылды.

Анын айтымында, учурда шаардык перинаталдык борбор оңдолуп жатат. Анын оңдоп-түзөө иштери 28-сентябрда аяктаса, №2 төрөт үйү оңдолот.

«№2 төрөт үйүн оңдоо иштери жүрүп жаткан маалда иш графикти азыраак берсе жеңил болот эле. Биздин оорукана дагы жайында 20 күнгө жабылган. Утурумдук оңдоо-иштери жүргөн. Ал жыл сайын жасалуучу жумуш. Ошол убакта перинаталдык борбор биздин бейтаптарды кабыл алышкан. Эми болсо аларда оңдоо иштери жүрүп, биз перинаталдык борбордун бейтаптарын кабыл алып жатабыз. Оңдоо иштери бүтсө, бул маселе чечилет.

Республикалык перинаталдык борбор курулуп жатат. Ал бүтүп калса, бардык төрөт үйүлөрүнө жеңилдик болмок. Жеке эле биз эмес, бардык эле төрөт үйлөрү ушундай иштеп жатышат. Айрыкча облустук төрөт үйүнө райондордон төрөтү оор бейтаптар келет. Төрөгөндөрдүн саны жылдан-жылга көбөйүп жатат. Саламаттыкты сактоо министрлиги бул маселе боюнча кабары бар», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×