Бөлүмдөр
Шейшемби, 18-декабрь
Чүй облусуКемин району 20.09.2018 16:06 На русском

Эгиздер: 3 жаштагы Назбийке менен Нурбийке бири-бирин бетинен өөп ойготушат (сүрөт, видео)

Turmush -  Чүй облусунун Кемин районундагы Ак-Бекет айылынын 42 жаштагы тургуну Аида Эркинбекованын 3 жаштагы кыздары — эгиздер Нурланова Назбийке жана Нурланова Нурбийке эртең менен бири-бирин өөп ойготушат.

Аида Эркинбекованын айтымында, тукумунда эгиздер болгон эмес.

«УЗИге барып, эгиз экенин укканда аябай катуу шок болгом. Себеби биздин тукумда эгиздер жок эле. Эгиздер боюмда бар кезде кызым 1 жашка чыга элек болчу. УЗИге боюмда болуп калса алдыртам деген ой менен баргам. Себеби кызым кичинекей болуп, эмизчүмүн. Назбийке 2 700 грамм, Нурбийке 1 740 грамм салмакта төрөлдү. Ал эми экөөнүн ортосунда 10 мүнөт айырма бар. Үчөөнү үч эгиздей кылып бактым, улуу балдарым жардам беришти. Аларды эмизип, кошумча тамак бердим. Эгиздердин мүнөздөрү окшош, бири-бирине абдан жан тартышат», - деди ал.

Эгиздердин бири Нурбийке төрөлгөндө оң жамбашы чыгып кеткенин ата-энеси билген эмес. Ага 1 жаш 6 ай болуп, басканда гана билинген.

«Төрөттөн жамбаш сөөгү 4 см чыгып кеткен экен. Ал 1 жыл 10 айда калыбына келди. Кудайга шүгүр ортопеддин жардамы менен кызымдын буту түзөлүп, басып калды. Анын сөөктөрү да калыбына келди. Эгиз кыздарыма 3 жаш 8 ай болду. Бала бакчага барып, ырдап, бийлеп беришет. Келечекте балдарымдын сый-урматын көрүүнү тилек кылам», - деди ал.

А.Эркинбекова 5 кыз жана 2 уулдун апасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×