Бөлүмдөр
Шейшемби, 21-август
Чүй

Казакстанда туулуп, Кыргызстанда жашаган 32 жаштагы Е.Камаров изделүүдө (фото)

Turmush -  Чүй районунда 32 жаштагы Евгений Камаров аттуу жигит изделүүдө. Бул тууралуу аймактык кабарчыга милициядан кабарлашты.

Чүй ОИИБдин басма сөз кызматынын маалыматына караганда, Е.Камаров ушул жылдын 9-март күнү үйүнөн чыгып кеткен боюнча кайра кайрылып келген эмес. Ал Казакстанда туулуп, Кыргызстанда жашап жаткан.

Айылдаштары Евгений Камаров кара жумуш менен алектенип келгенин айтышты.

«9-март күнү үйдөн чыгып кеткен бойдон кайра келбептир. Жакындары 13-март күнү милицияга арыз жазышкан. Анын акыл-эси ордунда, ден соолугу чыӊ эле адам. Ал кимдир бирөөнүн мал чарбачылыгында иштеп жүрүшү мүмкүн деген божомолубуз бар. Бул боюнча милицияга да айтылган», - деп билдиришти айылдаштары.

Өзгөчө белгилери: бою 160-162 см чамалуу, орто денелүү, бети сүйрү, көзү күрөӊ, чачы кара жана кыска, тармал.

Кийген кийимдери: спорттук кара куртка, сары түстөгү спорттук шым, бутунда көлөшү бар.

Бул жигит тууралуу билгендер Чүй райондук ички иштер бөлүмүнө же 0 (708) 67-27-87, 0(505) 30-08-87, 0 (701) 15-30-05 номурларына кайрыла алышат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1094
Комментарии
Для добавления комментария необходимо быть нашим подписчиком
Көп окулду
×