Бөлүмдөр
Жума, 21-сентябрь
Чүй облусу, Шопоков 19.04.2018 13:54 На русском

«Айла кетип, көзү ачыкка бардык»: Шопоковдо дайынсыз жоголгон 14 жаштагы Аланбек 11 күндөн бери изделүүдө (фото)

Turmush -  Сокулук районундагы Шопоков шаарында дайынсыз жоголгон 14 жаштагы Аланбек Токтогул уулу изделип жатат. Бул тууралуу аймактык кабарчыга Чүй ОИИБдин басма сөз кызматы билдирди.

Аталган түзүмдүн маалыматына караганда, Аланбек Токтогул уулу 8-апрель күнү Шопоков шаарындагы ата-энеси менен жашаган үйүнөн чыгып кеткен бойдон кайра кайрылып келген эмес.

Атасы Токтогул Эралиевдин айтымында, уулу мектепте жакшы окучу жана жаӊы технологияларды мыкты билчү.

«Уулум №2 мектеп-гимназияда билим алат. Мектепте жакшы окуйт. Эч кандай куулук-шумдугу жок бала. Буга чейин компьютер клубдарына барып турчу. Компьютер жана башка заманбап техникаларды үтүр-чекитине чейин билет.

Учурда бардык жерден тууган-уруктун баары издеп жатат. Өзүм Баткен облусунда төрөлүп, ошол жерде өскөм. Ал жакта да туугандарым издеп жатышат. Досторунун арасында Кара-Балтада жүрөт деген имиштер да айтылып жатат. Бирок ал Кара-Балтага эч качан барган эмес. Мен өзүм кудай деген мусулманмын. Бирок, айла кеткенде көзү ачыкка да барып кайрылдык. Алар ушул эле тегеректе бир чоӊ бала менен чогуу жүрөт деп жатышат.

Ал эми үйдө болсо эч кандай уруш болгон эмес. Эмне себептен үйгө келбей жатканын билбей жатабыз», - деди ал.

Аланбек үй-бүлөдө 2 бир туугандын кичүүсү.

Өзгөчө белгилери: бою 160-165 сантиметр, арыкчырай, чачы кыска жана кара, кой көз.

Кийген кийимдери: кара булгарыдан тигилген куртка, сары түстөгү жеңи кыска көйнөк, кара джинсы шым.

Аланбектин жүргөн жерин көргөндөр же билгендер болсо (0312) 60-75-67, (0558) 86-14-86, (0707) 43-41-70 же «102» кызматына чала алышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×