Бөлүмдөр
Шейшемби, 16-октябрь
Чүй облусуАламүдүн району 30.03.2018 23:07

Аламүдүндүк тургундун бодо малын уурдоого шектелип 37 жаштагы адам кармалды

Turmush -  Аламүдүн районундагы тургундун бодо малын уурдоого шектелип, Чүй облусунун 37 жаштагы тургуну кармалды.

Чүй ОИИБдин басма сөз кызматынын маалыматына караганда, 2018-жылдын 7-январь күнү Аламүдүн районунун ички иштер бөлүмүнө Башкара-Суу айылынын 51 жаштагы Б.Э. аттуу жашоочусу арыз менен кайрылып, 6-январдан 7-январга караган түнү белгисиз адамдар анын сарайынын эшигин сындырып киришип, ири мүйүздүү бодо малын уурдап кеткенин билдирген.

Бул окуя боюнча Аламүдүн РИИБдин тергөө кызматы тарабынан Кылмыш-жаза кодексинин 165-беренеси (мал уурдоо) менен кылмыш иши козголгон. Милиция кызматкерлери тарабынан жүргүзүлгөн ыкчам-издөө иш-чараларынын натыйжасында аталган кылмышка шектүү катары Чүй облусунун 37 жаштагы О.Р. аттуу тургуну кармалып, убактылуу кармоочу жайга камалган.

Учурда тергөө иштери жүргүзүлүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×