Бөлүмдөр
Ишемби, 15-декабрь
Чүй облусуКемин району 05.03.2018 13:29

Кеминдик спортчу А.Таштанбеков таяк тартыш боюнча Арнольддун турниринде 1-орунду багындырды (фото)

Turmush -  Кыргызстандын оор атлетика боюнча чемпиону Азат Таштанбеков таяк тартыш боюнча эл аралык турнирде 1-орунду багындырды. Бул тууралуу аймактык кабарчы билдирди.

Маалым болгондой, эл аралык турнир Америкада «Арнольд классик» бодибилдинг сынагынын алкагында өткөн.

Белгилүү актер Арнольд Шварценеггер «Арнольд классик» бодибилдинг сынагын 1988-жылы негиздеген. Бул спорттук иш-чара Огайо штатынын Колумбус шаарында жыл сайын февралдын аягы же марттын башында өткөрүлүп келет.

Кыргызстандын оор атлетика боюнча чемпиону Азат Таштанбеков 2 жылдан бери жаш спортчуларды машыктырууда.

Өзүнүн айтымында, 1996-жылы Кемин районуна караштуу Орловка шаарында төрөлгөн.

«Ошол эле Орловкадагы №1 мектепти аяктагам. Азыркы учурда Дене тарбия академиясында 2-курста окуйм. Бишкек шаарында жаш спортчуларды машыктырам. 25 окуучум бар», - деди ал.

Ал оор атлетика боюнча Кыргызстандын чемпиону аталып, таяк тартыш боюнча дүйнөлүк чемпионатта 3-орунга ээ болсо, К.Осмоналиевдин эл аралык турниринде чемпион аталган. Экинчи дүйнөлүк көчмөндөр оюндарында таяк тартыш боюнча 3-орунга ээ болгон.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×