Бөлүмдөр
Бейшемби, 18-октябрь
Чүй облусу, Токмок 28.11.2017 10:14

Жаш талант: Комузда кол ойноткон Зыйнат сынакта кытай тилинде ырдап, чөнтөк телефон утуп алган (видео, фото)

Turmush -  Чүй облусунун Чүй районуна караштуу Токмок шаарынын 15 жаштагы тургуну Нурадин кызы Зыйнат 3-классынан тарта комуз чертип, ырдап келет. Ал Бишкекте ѳткѳн «Мен кытай тилинде ырдаймын» аттуу сынакта 2-орунду жеңип алган. Аймактык кабарчы жаш талант менен таанышты.

«Мен алгач 5-классыма чейин №13 орто мектепте окугам. Ошондо 3-класста комуз ийримине катышып баштагам. Кийин ата-энем 6-класс кезимде шаардык музыкалык мектебине беришкен. Ошентип музыкалык мектепте окуганыма 4 жыл болду. Шаар аралык, мектеп аралык сынактарга катышып, кѳптѳгѳн ардак баракчалар менен сыйлангам. Бишкекте "Мен кытай тилинде ырдаймын" аттуу сынакка катышып, 2-орунду багындырып, сыйлыкка чѳнтѳк телефон утуп алгам», - деди ал.

Жаш комузчу Нарын облусунун Ат-башы районуна караштуу Ак-Муз айылында 2002-жылы тѳрѳлгѳн.

«Учурда Токмок шаардык №5 орто мектебинин 9-классында окуйм. Мектепте кыргыз тил, кыргыз адабият, орус адабият сабактары жагат. Келечекте таланттуу комузчу, дастанчылардын бири болгум келет. Мен үй-бүлѳдѳ үч бир туугандын кичүүсүмүн. Атам Нурадин тиш дарыгери. Апам Динара медайым. Урмат жана Ислам аттуу эки агам бар. Комуз чертүүдѳн сырткары ырдаганды, бийлегенди жактырам», - деди жаш талант.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×