Бөлүмдөр
Шаршемби, 18-октябрь
68.57    80.64    1.2    KZT 0.21
Чүй

Москва районунда 18 түгөйгө акысыз үлпөт той уюштурулат

Turmush -  Чүй облусунун Москва районунда той өткөрүүгө шарты жок 18 жупка акысыз үлпөт той уюштурулат. Бул тууралуу аймактык кабарчыга Ак-Суу айыл өкмөтүнүн жооптуу катчысы Жаркын Осмонкулова билдирди.

«21-сентябрь күнү Беловодск айылындагы кафеде 18 жуптун үйлөнүү үлпөт тою болот. Анын бардык чыгымын кафенин ээси өзү төлөйт. Бул иш-чара үйлөнүүгө шарты жок жаштарга арналды. Жалпы 12 айыл аймакка жарыя айтылып, тиешелүү кызматкерлерге тапшырмалар берилген. 21-сентябрга чейин үйлөнөм деген жаштардын тизмесин тактап жатабыз. Тойго кыздын ата-энеси, баланын ата-энеси жана ар бир айыл өкмөттөн экиден өкүл катышат. Мындан сырткары, райондогу жетекчилер да конок катары келүүсү күтүлүүдө», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 590
Комментарии
Обсуждения закрыты
Көп окулду
Учурда окулуп жатат
17:28,   18.10.2017   ( 2 адам окуп жатат)
×