Бөлүмдөр
Жекшемби, 22-июль
Чүй

Жаш талант: Э.Замирбеков тай боксу боюнча эл аралык турнирде 1-орунду багындырды (фото)

Turmush -  Кемин районунун 17 жаштагы тургуну Элазан Замирбеков «Ысык-Көл — Кыргызстандын бермети» эл аралык турнирде тай боксу боюнча 1-орунга ээ болуп, баш байгени жеңип алды. Элазан буга чейин тай боксу боюнча Кыргызстандын 8 жолку чемпиону болгон. Аны менен аймактык кабарчы таанышты.

«Өзүм 2000-жылы Кызыл-Октябрь айылында төрөлгөм. Спорт менен 2-классымдан бери машыгып келем. Ушул 9 жылдын ичинде көптөгөн ийгиликтерди жараттым деп ойлойм. Атай кетсем, аталган спорттун түрү боюнча Кыргызстандын 8 жолку чемпиону аталдым. 2012-жылы Казакстанда өткөн эл аралык турнирде 2-орун, 2016-жылы Таиланддагы мелдеште 3-орун, 2017-жылы Россиянын Москва шаарында болгон Дүйнөлүк чемпионатта 1-орунду багындырдым. Мындан тышкары, ушул жылдын июль айында болуп өткөн "Ысык-Көл — Кыргызстандын бермети" эл аралык турнирде 1-орунду алып, курга ээ болдум. Менин бул жетишкендиктерим үчүн машыктыруучум Кутекев Викторго терең ыраазычылыгымды билдирем.

Бир жумада эки сааттан 3 жолу машыгып турам. Келечекте Куралдуу күчтөр аскердик институтунда билим алып, Кыргызстандын желегин желбиреткен мыкты спортчу болсом деген кыялым бар», - деди спортчу.

Замирбеков Элазан үй-бүлөдө үч бир туугандын улуусу, бир иниси жана бир карындашы бар. Атасы Абдылдаев Азамат куруучу болуп эмгектенсе, апасы Алиева Асиса тарбиячы болуп эмгектенүүдө.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1594
Комментарии
Для добавления комментария необходимо быть нашим подписчиком
Көп окулду
×