Бөлүмдөр
Бейшемби, 20-сентябрь
Чүй облусу, КЕмин 11.07.2017 11:46

Айыл турмушу: Кеминдик Р.Сепеев 10 миң долларлык асыл тукум жылкыларды багып жатат (видео, фото)

Turmush -  Кемин районундагы Тегирменти айылынын 47 жаштагы тургуну Рысбек Сепеев саяпкерчилик менен алектенип, 3 миң доллардан 10 миң долларга чейин бааланган асыл тукум жылкыларды багат. Аны менен аймактык кабарчы таанышты.

Өзүнүн айтымында, ал асыл тукум жылкыларды 2000-жылдан баштап баккан.

«Мен 1970-жылы Тегирменти айылында төрөлгөм. Саяпкерлик өнөр ата-бабаларымдан калган. Чоң атам улакчы болгон. Ал эми, өзүмдүн атам тайган агытып, ат таптаган. 2000-жылдардан тарта кыргыз тукумундагы жылкыларды ат чабыштарга даярдап баштадым. Бирок, ал тукумдагы жылкылар менен ат чабыштар өткөрүлбөй калды. Англис тукумундагы таза кандуу жылкыларды 2005-жылдан тарта кармай баштадым», - деди ал.

Саяпкер учурда 15 таза кандуу жылкы кармайт жана аларды көптөгөн мелдештерге
чыгарат.

«Жылкыларым ат чабыштарда дайыма алдыга чыгып, байгелүү орундарга ээ болуп келет. Байге катары мал-жандыктарды, үй эмеректерин жана башка белектерди алып жүрөбүз. Менин негизги максатым ат чаап, байге алуу эмес, Кыргызстанда асыл тукумдуу жылкыларды көбөйтүү», - деди саяпкер.

Р.Сепеев үй-бүлөлүү, 3 баланын атасы. Саяпкерчиликтен тышкары дыйканчылык, мал чарбачылык менен алектенет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×