Бөлүмдөр
Шейшемби, 17-октябрь
68.51    80.77    1.2    KZT 0.21
Чүй

Кыргыз эл артисти Б.Бейшеналиевдин 80 жылдыгы белгиленет (фото)

Turmush -  Советтик кинематографист, театр жана кино актеру Болот Бейшеналиевдин 80 жылдыгы республикалык масштабда белгиленет. Turmush басылмасынын кабарчысы билдиргендей, дөө-шаа актерлордун бири Болот Бейшеналиевдин 80 жылдыгын өткөрүүгө Кемин районунун администрациясы Калмак-Ашуу айыл өкмөтү менен бирге даярдыктарды көрүп жатат.

15cb6d9beb2945e91ccc900be5d9b0cd

Маалым болгондой, 25-июнда өтө турган иш-чараларга кɵрүлүп жаткан камылгалар менен таанышуу үчүн Чүй облусунун ыйгарым укуктуу ɵкүлүнүн орун басары А.Солтонбекова актердун туулуп-ɵскɵн айылына барды. Бул иш сапардын алкагында Болот Бейшеналиевдин ысымы ыйгарылган кинотеатрдын абалы менен таанышты.

19059211_302701403506438_5376947111876936045_n 19059543_302701400173105_1234559381701505622_n

19145876_302701460173099_2743810499178531658_n

Болот Бейшеналиев Чүй облусунун Кемин районунун Калмак-Ашуу айылында 1937-жылдын 25-июнунда жарык дүйнɵгɵ келген. Эмгек жолун 1964-жылдын күз айларында А.Михалковдун жазуучу Чыңгыз Айтматовдун «Биринчи мугалим» повестинин негизинде тартылган кинотасмасында жаш мугалим Дүйшɵндүн образын жаратуу менен баштаган.

Кыргыз мамлекеттик опера жана балет театрынын алдындагы 2 жылдык студияны, А.Н.Островский атындагы Ташкент театр искусство институтун бүтүргөн. «Кыргызфильм» киностудиясында режиссёрдун ассистенти, актёр, Кыргыз мамлекеттик академиялык драма театрында, «Мосфильм» киностудиясында, республикалык жаштар театрында эмгектенген.

Б.Бейшеналиев кинематографияга арнаган отуз жети жылдык өмүрүндө 100дөй кинодо кайталангыс образдарды жараткан.

Кыргызстандын эл артисти Б.Бейшеналиев «Алтын көпүрө» (Казакстан) эл аралык сыйлыгынын лауреаты да болду. Ошондой эле, Монгол республикасынын «Достук» ордени менен сыйланган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1535
Комментарии
Обсуждения закрыты
Көп окулду
×