Бөлүмдөр
Шаршемби, 18-октябрь
68.51    80.77    1.2    KZT 0.21
Чүй

Жаш талант: Токмоктук Н.Нурбеков дзюдо менен машыгып, дүйнө кыдырып жатат (фото)

Turmush -  Токмок шаарынын 17 жаштагы тургуну Нурдөөлөт Нурбеков 5 жылдан бери дзюдо менен машыгып, көптөгөн ийгиликтерди багындырды. Жаш спортчу менен Turmush басылмасынын кабарчысы таанышты.

«Олимпиаданын чемпиону болом деп алдыма максат койгом. 5 жылдан бери спорт менен тынбай машыгып жатам. Спортко жаңы аралаша баштаганда 12 жашта элем. Андан бери бир топ ийгиликтерди багындырдык. Ушул 5 жыл ичинде республикалык мелдештен 3 жолу, спартакиададан 1 жолу жеңишке ээ болгом. Казакстандын бир нече шаарларына жана Россиянын Барнаул шаарына барып, Кыргызстандын атын коргоп жүрөбүз.

Бош убактымда гитара чертип ырдаганы жактырам. 2016-жылы №5 орто мектебинин 9-классын аяктагам. Азыркы тапта Агротехникалык колледждин 1-курсун аяктадым», - деди ал.

Жаш спортчу үй-бүлөдө 4 бир туугандын экинчиси.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 798
Комментарии
Обсуждения закрыты
Көп окулду
×