Бөлүмдөр
Жекшемби, 17-декабрь
69.75    82.18    1.18    KZT 0.21
Чүй

Айыл турмушу: Ысык-аталык К.Малашева жылдын мыкты мугалими аталды (фото)

Turmush -  Ысык-Ата районуна караштуу Кант шаарынын 41 жаштагы тургуну Клара Малашева мектеп ичинде өткөн «Жыл мугалими-2017» сынагында 1-орунду ээлесе, райондук турдан 2-орунду багындырды. Аны менен аймактык кабарчы таанышты.

«9-класска чейин Казакстанда окудум. 1992-жылы Кыргызстанга келип, Ысык-Ата районунун Жээк айылындагы К.Жакыпова атындагы орто мектепке 10-класска кирип, ал жактан 11-классты толук окуп бүттүм. Мектепти аяктагандан кийин Казакстанга апамдын жанына барып, бир жылдан кийин кайра келдим.

2014-жылы педагогикалык колледжде окуп, мугалим болуп чыктым. 2017-жылы И.Арабаев атындагы Кыргыз мамлекеттик университетинде орус тили боюнча филология факультетин аяктап, учурда Дмитриевка орто мектебинде башталгыч класстарга сабак берип, иштеп келем. Быйыл мектептеги мугалимдердин «Жыл мугалими - 2017» сынагында 1-орунду камсыздасам, райондук сынакта 2-орунду алдым. Турмушка 1997-жылы чыгып, 3 кыздын, 1 уулдун апасы болдум. Келечекте мугалимдик кесибимди дагы өркүндөтүп, элге кызмат кылам», - деди ал.

Клара Малашева 1976-жылы Ысык-Ата районуна караштуу Кант шаарында төрөлгөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1073
Комментарии
Обсуждения закрыты
Көп окулду
Учурда окулуп жатат
×