Бөлүмдөр
Жума, 6-декабрь
Чүй облусу, Кара-Балта 02.09.2015 10:01

80 мушкер күч сынашкан эл аралык таймаштан Кара-Балтанын спортчулары ийгиликтүү кайтты

Turmush -  Ысык-Көл облусундагы Чолпон-Ата шаарында бокс боюнча «Ысык-Көлдүн Кубогу» эл аралык мелдештен Кара-Балта шаарынан барган спортчулар ийгиликтүү кайтышты. Мындай маалыматты Кара-Балта шаарындагы «Манас» спорттук комплексинин машыктыруучусу Руслан Байсариев маалымдады.

Анын айтымында, Чолпон-Ата шаарындагы мелдешке Казакстан, Өзбекстан жана Кыргызстандын 80ден ашык мушкерлери катышкан. Мушкерлер негизинен 16-17 жаштагы жаш спортчулар.

«Кара-Балта шаарындагы «Манас» спорттук комплексинен катышкан Темирлан Кадыров 1-орунду ээлесе, «Булгары колкап» спорт комплексинен Майрамбек Мыскалбеков 2-орунду, 3-орунду аталган спорт комплекстерде машыккан Анвар Алиев, Айдар Бердибаевдер ээледи», - деди Р.Байсариев.

Ал кошумчалагандай, учурда «Манас» спорттук комплекси сентябрь айында өтө турган өспүрүмдөр арасындагы спорттук мелдештерге даярдык көрүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×